Pas deklaratave të asamblistit të Vetëvendosjes, Ylli Hoxha i cili tha se kushdo që e voton AAK-në e Nismën, e voton indirekt PDK-në, ka reaguar deputeti i Nismës për Kosovën, Enver Hoti. Ai në një shënim në Facebook ka theksuar se kjo thirrje e VV-së është për ta fuqizuar PDK-në.
Shënimi i plotë:
NDODH EDHE KJO, VETËVENDOSJE THËRRET PËR FUQIZIM TË PDK-së
Anëtari i kryesisë së Vetëvendosjes Ylli Hoxha përmes një postimi në facebook u ka bërë thirrje votuesve të AAK dhe Nisma që ta votojnë Partinë Demokratikë të Kosovës.
Përderisa në njërën anë ë akuzojnë AAK-në dhe Nismën për koketim më PDK-në, Vetëvendosje hapur del në shërbim të PDK-së.
Do ta kuptoja sikur të kërkonin ta votonin VV, mirëpo thirrja për ta votuar PDK-në shpalos hapur koalicionin PDK-Vetëvendosje.
Prandaj i bëjmë thirrje Vetëvendosjen të tregojë hapur së çfarë marrëveshje parazgjedhore ka bërë me PDK-në.
Me respekt,
Enver Hoti
