Ferizaj

“Bioekos” shënon ditën botërore kundër duhanit, ndanë mirënjohej për nxënësit fitues të garës në lëndën e biologjisë


Publikuar më:


 Ferizaj, 31 maj.Nxënës të shkollave fillore të Ferizajt janë përfshirë sot në një aktivitet për të shënuar ditën botërore kundër duhanit.Shumë punime të nxënësve janë prezantuar me këtë rast, ndërsa nuk kanë munguar edhe ligjëratat që lidhen me këtë dukuri e cila krahas shëndetit po dëmton edhe ekonomitë familjare.

Drejtues të Shoqatës së Biologëve”Bioekos”, të cilët edhe ishin organizator të këtij aktiviteti kanë thënë se në fokus kanë pasur shënimin e kësaj dite si dhe ndarjen e mirënjohjeve për nxënësit fitues të garës në lëndën e Biologjisë.

Kryetarja e kësaj shoqate, Sevdije Hasani, ka thënë me këtë rast se shoqata tashmë është bërë pjesë e organizimit jo vetëm të garave të biologëve por edhe të promovimit të fushatave sensibilizuese.

“Ka qenë e paraparë që në këtë ditë të shënohen këto dy aktivitete e shoqatës, gjë për të cilën krahas nxënësve u jam mirënjohës edhe arsimtarëve të lëndës së Biologjisë”, ka thënë Hasani

Ndërkohë edhe arsimtarja e Biologjisë , Blerina Aliu, ka thënë se nuk është vështirë të punosh me nxënësit në këso aktivitetesh.

“Nxënësit vetëm duhet orientuar në atë se çka duhet të punojnë, ata pastaj me zellin më të madhë i realizojnë qëllimet”, ka thënë Aliu.

Në këtë aktivitet janë shpërblyer të 33 nxënësit fitues të garës nga lënda e biologjisë, ndërsa kontribut në sensibilizimin e opinionit kundër duhanit kanë dhënë nxënësit e shkollës “Dituria” nga Dardania, të cilët kanë prezantua edhe me një ligjëratë për dëmet që u shkakton njerëzve duhani.

Nxënësja e kësaj shkolle,Arbesa Beqiri, së bashku edhe me shokët e klasës është ndier të emocionuar për kontributin e dhënë në shtjellimin e kësaj teme.

13334725_1058192257561020_529867947_o 13334523_1058192274227685_595003179_o 13313393_1058192284227684_989045863_o 13351204_1058192287561017_1796776551_o 13313903_1058192364227676_843822137_o

Comments
To Top