Publikuar më:
Nënkryetari i Partisë Demokratike e Kosovës, Agim Aliu ka përgëzuar Lëvizjen Vetëvendosje për fitoren në zgjedhjen e 14 shkurtit, ndërsa u ka uruar punë të mbarë në drejtimin e vendit.
Aliu në një postim në rrjetin social Facebook ka falënderuar anëtarët dhe simpatizantët e PDK-së që kanë kontribuar në këto zgjedhje.
Lexoni të plotë postimin:
“Të dashur bashkëqytetarë!
Dje, ishim dëshmitarë të një procesi zgjedhor shembullor, çka reflekton pjekuri qytetare e organizim të mirëfilltë zgjedhor, zgjedhje të lira e të drejta. Ky proces, tash kur kanë mbetur edhe pak vendvotime në numërim, nxori fituese Lëvizjen Vetëvendosje! së cilës i uroj fitoren dhe punë të mbarë në drejtimin e vendit.
Faleminderit gjithë qytetarëve që kontribuuan që të kemi këtë proces zgjedhor model, gjithashtu anëtarëve e simpatizantëve të PDK-së së Ferizajt që nuk u kursyen në përpjekjen e tyre për forcën tonë politike”
