Publikuar më:
Zëvendës ministri për Integrime Evropiane Ramadan Ilazi ka pritur në takim përfaqësuesit e lëvizjes më të vjetër Evropiane për bashkimin e Evropës “PanEuropa”.
“Sot, kisha kënaqësinë të pres në takim përfaqësuesit e lëvizjes më të vjetër Evropiane për bashkimin e Evropës “PanEuropa”. Projekti i Bashkimit Evropian si një projekt i paqes dhe prosperitetit, po zgjerohet edhe në shtetet e Ballkanit. Me përfaqësues të PanEuropa Austria kemi diskutuar për rëndësinë që perspektiva evropiane ka për Kosovën dhe rajonin, dhe se si agjenda evropiane po ndihmon Republikën e Kosovës për të ecur përpara. Shteti i Kosovës me popullatën më të re në Evropë nuk mund të vazhdoj të mbahet i izoluar. Në këtë drejtim PanEuropa Austria më informuan se do të dalin me një deklarate në mbështetje të liberalizimit të vizave për Kosovën dhe do të argumentojnë këtë edhe në takimin e tyre me Ministrin e Jashtëm Austriak që do të zhvillojnë gjatë javës” ka thënë Ilazi.
