Ferizaj

6 studentë ferizajas vitin e ardhshëm do t’i fillojnë studimet në Itali


Publikuar më:


Numri një i qytetit të Ferizajt, Muharrem Svarqa me bashkëpuntorët e tij, po qëndron për vizitë zyrtare në qytetin e Ternit të Italisë.

Fillimisht kryetari Svarqa, ka pasur një takim me humanistin e njohur Don Sandro Shaboletën i cili njëherësh është edhe qytetar nderi i Komunës së Ferizajt.

Në këtë takim u arrit marrëveshja që në vitin e ardhshëm, gjashtë studentë ferizajas t’i nisin studimet në qytetin e Ternit, por edhe në qytete të tjera universitare të Italisë.

Po ashtu në këtë takim është marr vendim që 50 nxënës maturantë me sukses të shkëlqyeshëm nga qyteti i Ferizajt, gjatë muajit maj, të qëndrojnë për vizitë një javore në Itali, pa asnjë shpenzim.

Kryetari i Ferizajt, Muharrem Svarqa, me këtë rast ka shprehur mirënjohjen ndaj humanistit Don Sandro Shaboletës, për gjithë kontributin e tij për nxënësit ferizajas.

Gjatë qëndrimit të tij në Itali, kryetari Svarqa është takuar edhe me studentët ferizajas, që aktualisht po kryejnë studimet në Peruga, por edhe në qytetin e Ternit.

Ndërkohë gjatë ditëve në vazhdim, kryetari i Komunës së Ferizajt, Muharrem Svarqa, do të ketë edhe një takim zyrtar në selinë e Shenjtë në Vatikan.

15451119_1820912221258124_1448976065_n 15577753_1820912234591456_1578834850_n

Comments
To Top