Përçarja e Listës Serbe nuk po u pëlqen aspak në Beograd, ndaj kryeministri serb, Aleksander Vuçiq, ka vendosur t’i mbledhë në një takim të gjithë anëtarët e Listës Serbe për t’i pajtuar.
Vuçiq ka thënë se do “t’i japë fund kësaj historie”, dhe se konflikti në Listën Serbe ka ardhur nga “faktorët të huaj dhe natyrisht faktorit shqiptar”.
Përçarja në Listën Serbe ka filluar kur u shkarkua ish-ministri, Ljubomir Mariq, dhe në vend të tij u emërua, Mirjana Jevtiq, për të cilën nuk kishin pajtim të gjithë, njofton Klan Kosova.
Për t’u bërë edhe më keq, një pjesë e deputetëve të Listës Serbe u kthyen në Kuvendin e Kosovës – pasi që e kishin bojkotuar qysh kur u miratua Ligji për Trepçën – ndërsa pjesa tjetër jo.
Gjithsesi, tani politikanët serbë të Kosovës po shpresojnë që kryeministri i tyre faktik t’u japë fund përçarjeve.
.
