Investimet infrastrukturore në zonën urbane po rrjedhin vazhdueshëm. Ishte sot projekti për rregullimin e rrugës “Ibrahim Cërnilla”, në të cilën jetojnë shumë familje të komunitetit joshumicë që u asfaltua sot. E për ta bërë përurimin e saj, doli nënkryetari i Komunës, Arton Gavazi, nënkryetari për Komunitete, Florim Bajrami bashkë me drejtorët komunal Lulzim Aliu, Arbër Bytyqi, Bekim Ademi dhe Burim Bajrami dhe zëvendësministrin Qazim Rrahmani.
Drejtori i Infrastrukturës, Arbër Bytyqi tha se investimet infrastrukturore do të shtrihen edhe në lagjet ku jetojnë komunitetet joshumicë, për t’i transformuar ato në pikëpamje infrastrukturore dhe përmirësuar cilësinë e jetës së banorëve.
Rruga “Ibrahim Cërnilla” ka një gjatësi prej 200 metrash dhe është rregulluar në kuadër të fondit për rregullimin e infrastrukturës rrugore në zonën urbane.
