Hovi i investimeve kapitale në infrastrukturën rrugore nuk ka të ndalur në të gjithë territorin e komunës sonë. Sot, makineri të rënda zunë vend në linjën rrugore që lidh fshatrat Sazli dhe Papaz me dalje në Prelez të Muhaxherëve, për asfaltimin e këtij rruge me rëndësi strategjike për komunikimin mes një grupi fshatrash që lidh ky projekt.
Kjo vepër e jashtëzakonshme infrastrukturore që ka vlerën e mbi 1 milionë eurove shtrin trupin e saj në një gjatësi rrugore prej mbi 5 kilometra dhe gjerësi të rrugës prej 6 metrash, investim ky që u mirëprit nga banorët e kësaj zone, duke lehtësuar jashtëzakonisht shumë qarkullimin e tyre dhe zhvillimin e përgjithshëm të këtyre lokaliteteve.
Qeverisja lokale e udhëhequr nga Kryetari i Komunës, Agim Aliu është në vlugun e projektimit dhe realizimit të projekteve në dobi të drejtpërdrejt të qytetarëve, duke përfshirë por jo kufizuar në projekte infrastrukturore, tejet të nevojshme për zhvillimin e gjithëmbarshëm anekënd territorit të Ferizajt.
