Personeli i Shërbimit Emergjent Primar në QKMF në Ferizaj prej sot të kenë uniforma të njëjta me ato që përdorin kolegët e tyre në të gjitha qendrat simotra të Kosovës.
Këto uniforma, janë donacion nga Kompania e betonit “Toni Kompani”, së cilës Drejtoresha e QKMF-së, Dr.Nadire Ymeri, i ndau mirënjohje në shenjë falënderimi.
Gjithashtu, me mirënjohje u nderua edhe Ylber Ademi, i cili ishte ndërmjetësues për këtë donacion.
Personeli i Shërbimit Emergjent Primar pjesën dërmuese të punës së tyre e bëjnë në terren, duke u ofruar ndihmë qytetarëve të komunës së Ferizajt në situata kritike, prandaj një donacion i tillë ishte i mirëseardhur.
