Në datën 21.09.2018, policia e Ferizajt ka gjetur në person i cili kishte qenë i shtrirë me lëndime në kokë, pranë një objekti në ndërtim afër gjimnazit “Shaban Hashani” në Ferizaj.
Patrullat e policisë, në mungesë të automjetit të emergjencës, e transportuan të lënduarin me automjet zyrtar deri në emergjencën e QKMF-së së Ferizajt, ku edhe po i jepet ndihma e parë, para se të transportohet për në QKUK.
Sipas mjekut kujdestar në QKMF, viktima ka pësuar një prerje me objekt të mprehtë në pjesën ballore dhe ka shenja të lëndimeve të tjera në kokë, porse për momentin, është jashtë rrezikut për jetë.
Policia e Ferizajt po heton në vendin e ngjarjes.
