Ministria e Mjedisit dhe Planifikimit Hapësinor, përmes një njoftimi për media bën të ditur se të shtunën, më 22 shtator bashkë me Komunën e Prishtinës, OJQ-të “Lets do it Kosova”, “REC”, “GAC” dhe SHFMU “Shkolla e Gjelbër” organizon shënimin e 22 Shtatorit, Ditës ndërkombëtare pa makina.
Manifestimi qendror do të mbahet në hapësirat para objektit qeveritar, gjegjësisht ish-objekti “Rilindja” për të vazhduar në Rrugën “Garibaldi”, më pas në Rrugën “George Bush” nga Hotel Grandi deri tek semaforët te Katedralja, për t’u kthyer te vendi i nisjes.
Manifestimi qendror fillon ne ora 10:00, saktëson njoftimi.
