Svarqa po merr pjesë në konferencë ndërkombëtare në Vjenë

Sot në Vjenë të Austrisë ka filluar punën konferenca ndërkombëtare, e organizuar nga BE, për ndikimin e decentralizimit në shërbimet sociale.
Në këtë konferencë po marrin pjesë kryetari i Ferizajt Muharrem Svarqa, udhëheqësi i departamentit për politika sociale Muhamet Gjocaj dhe përfaqësuesi i Terre des Hommes, Kushtrim Ilazi.
Delegacionin e Kosovës e udhëheq zëvendësministrja e Ministrisë së Punës dhe Mirëqenies Sociale, Rita Hajzeraj.
Komuna e Ferizajt është përzgjedhur nga Bashkimi Evropian që të marrë pjesë në këtë konferencë, për shkak të politikave të suksesshme sociale.
Konferenca vazhdon edhe nesër.