Student e Tiranës para disa dite kanë filluar protestën e tyre duke kërkuar plotësimin e disa kërkesave që në mesin e tyre është edhe përgjysmimi i tarifës së studimit.
Në mbështetje të tyre kanë dal studentë të shumtë edhe nga qytete të tjera të Shqipërisë.
Por jo vetëm, studentët e Tiranës po i përkrahin edhe disa studentë nga Shqipëria e Kosova të cilët studiojnë në Sllovaki.
Ata kanë dërguar një fotografi për Indeksonline duke mbajtur pankarta në duar. Ata thonë se mbështesin fuqishëm këtë protestë të tyre.
Ndryshe, kryeministri i Shqipërisë, Edi Rama, iuështë drejtuar studentëve që protestojnë përmes një statusi në rrjetin Twitter për komunikimin e radhës me ta.
“Negociata? Kush po kërkon negociata se unë kërkoj dialog, jo negociata. Frikën nga dialogu e kam parë tek politikanët qësot presin t’i nxjerrin gështenjat nga zjarri duke mos treguar duart. Mos vallë kush po i pengon studentët me megafon kundër dialogut bën telefonin e prishur”,shkroi Rama në rrjetin social.
Por, i menjëhershëm ka qenë reagimi i studentëve ndaj ftesës së Ramës, duke thënë se prej kohësh kanë duruar arrogancën e tij dhe se tashmë ka ardhur momenti që të tregohen ata arrogantë.
“Seriozisht e ka ai? Gjithë arrogancat që kemiduruar nga ai, tani do të jemi ne arrogantë ndaj tij. Merri kërkesat me vete, nuk ka negociata dhe as nuk do të ketë. What the fuck”, tha një nga studentët.
Disa minuta më vonë, Rama në një tjetër postim në Instagram, ka publikuar njoftimin ndërsa ka lejuar opsionin e komenteve duke bërë thirrje që të gjithë të shkruajnë pyetjet e tyre për dialogun e studentëve.
