Amerika si duket i ka vënë Serbisë një kusht nëse dëshiron t’i hiqet taksa nga Kosova.
Kushtin për këtë ia ka bartur Serbisë zëvendësndihmëssekretari i shtetit, Mathew Palmer, gjatë një takimi me presidentin serb Aleksandar Vuçiq.
Sipas mediave serbe, Palmer ka thënë se nëse Serbia dëshiron që Kosova ta heqë taksën, atëherë duhet të ndalojë fushatën e egër për tërheqjen e njohjeve të Kosovës nga vendet që e kanë njohur. Mirëpo, Beogradi zyrtar ka hedhur poshtë ofertën e SHBA-së.
Ministri i Punëve të Jashtme, Ivica Daçiq, ka thënë se SHBA-ja shpreson kot sepse procesi i çnjohjeve është i pandalshëm.
“Ne mund t’i detyrojmë shqiptarët të veprojnë të civilizuar dhe ta neutralizojnë menjëherë këtë problem. Megjithatë, gjithashtu ju duhet të bëni diçka. Ju menjëherë duhet të kërkoni nga vendet me të cilat jeni në kontakt për të ndaluar heqjen e njohjeve. Në të njëjtën kohë, ju keni për t’u thënë vendeve mike se asnjë prej tyre nuk do të ndryshojë mendjen rreth pavarësisë së Kosovës, dhe nuk guxon asnjë vend tjetër të tërheqë njohjen e pavarësisë së Kosovës”, shkruajnë mediat serbe të ketë thënë Matthew Palmer në ofertën e tij.
