Drejtorja e Drejtorisë së Financave, Sebahate Ajeti Sadiku, mbajti sot konferencën për media. Përmes saj, qytetarëve iu bënë të ditura, arritjet që shënuan vitin 2019, sfidat që e përcollën si dhe synimet e këtij sektori fundamental të qeverisjes lokale.
E para e financave, Sebahate Ajeti Sadiku renditi disa nga sukseset që u arritën falë përkushtimit me qëllim rritjen e stabilitetit në financat lokale.
Rritja e të hyrave vetanake në 12% më shumë sesa viti paraprak, ulja e tatimit në pronë nga baza tatimore prej 10%, shpërndarja e mbi 30,000 faturave të tatimit në pronë, regjistrimi i 2431 objekteve të reja në sistemin e tatimit në pronë si dhe heqja e taksës për ushtrimin e veprimtarive afariste në Ferizaj janë vetëm disa nga të arritura, përveç mijëra shërbimeve që kryen në baza ditore kjo drejtori. Kurse si synime, drejtorja Ajeti Sadiku theksoi rritjen e stabilitetit financiar duke aplikuar masa kursimi, digjitalizimin e shërbimeve financiare, funksionalizimi i e-pasurisë, si dhe rritja e cilësisë së shërbimeve për qytetarët.
Detajet gjeni në videon e plotë të konferencës për media të drejtores së Drejtorisë së Financave, Sebahate Ajeti Sadiku.
