Senatori Bërni Sanders i ka ofruar sërish përkrahje kandidates demokrate për Shtëpinë e Bardhë, Hillari Klinton.
Mbështetja e Sandersit vjen pas skandalit të rrjedhjes së disa komunikimeve të brendshme partiake, që tregonin se si pjesëtarët e Komitetit Kombëtar Demokratik e kanë favorizuar Klintonin ndaj rivalit të saj Bërni Sanders, gjatë zgjedhjeve partiake për të siguruar nominimin e partisë.
Sidoqoftë Sanders mendon se qëllimi i përbashkët i demokratëve tani është mposhtja e Donald Trampit. “Ne duhet ta mundim Donald Tramp. Ne duhet ta zgjedhim Hillari Klintonin dhe Tim Keinin”, ka thënë Sanders para delegatëve përkrahës të tij. Një grup delegatësh e kanë kundërshtuar këtë deklaratë duke thirrur “ne e duam Bërnin”.
