Kadri Veseli, kandidat për kryeministër nga PDK-ja, së bashku me kryetarin e Ferizajt Agim Aliu dhe kandidatët për deputet nga dega e Ferizajt sot kanë mbajtur një takim me mbështetësit dhe aktivistët e PDK-së të nëndegëve të zonës së tetë urbane në Ferizaj si dhe me banorët e fshatit Gaçkë në orët e mbrëmjes.
Me këtë rast Veseli ka thënë se edhe qytetarët e Ferizajt po e presin Dekadën e Re të zhvillimit, e cila do të ndodhë kur PDK-ja të udhëheq me Qeverinë e Kosovës. Më shumë zhvillim, me shumë siguri, më shumë perspektivë, barazi, mirëqenie e përkujdesje. Këtë e presin qytetarët nga ne dhe vetëm PDK-ja është shpresë për të gjithë. Vetëm ne mund ta ndërtojmë të ardhmen, për ty dhe shtetin!
Ndërsa ish kandidati për deputet Elmi reçica këto takime I ka quajtur si një mbështetje, besim dhe vendosmëri për fitore.
“Pritje madhështore dhe vendosmëri e besim për fitore nga mbështetësit dhe aktivistët e PDK-së të nëndegëve të zonës së tetë urbane në Ferizaj, të kryeministrit në ardhje, Kadri Veseli, kryetarit Agim Aliu dhe kolegëve kandidatë për deputetë nga dega e Ferizajt.
Vetëm qeveria e ardhshme e PDK-së me kryeministrin Kadri Veseli, përmes vizionit politik me kod të ri qeverisës, do të mund të mbrojë më së miri interesat shtetërore dhe të fuqizojë partneritetin me miqtë e Kosovës, forcimin e sundimit të ligjit, duke ndërtuar një sistem efikas të drejtësisë, mundësi të rinjve tanë, kujdes ndaj të moshuarve si dhe mirëqenie më të mirë për të gjithë qytetarët.
Edhe nëndega e Gaçkës së Ferizajt me njerëzit intelektual, profesionistë e të vyer dhe me të rinjtë e saj në përkrahje të plotë të Dekadës së Re, platformë e fuqishme politike e kombëtare, e cila do të realizohet dhe jetësohet me kryeministrin Kadri Veseli.
Vazhdim i reformave në shëndetësi, në arsim, zbatimin e planit kundër korrupsionit, zhvillim ekonomik, më shumë perspektivë për të rinjtë, vend i shanseve të barabarta, mirëqenie e përkujdesje, janë pritjet reale të qytetarëve tanë, të cilat do t’i realizojë kryeministri në ardhje, Kadri Veseli me programin e tij qeverisës që do ta kthejë shpresën në vend.” ka shkruar Reçica
