Qendra Klinike Universitare e Kosovës (QKUK) ka vendosur të respektojë vendimin e Organit Shqyrtues të Prokurimit (OSHP) në lidhje me aktivitetin e prokurimit “Pastrimi i hapësirave të brendshme të QKUK-së”.
Ky vendim i OSHP-së ka kthyer në rivlerësim tenderin në lidhje me pastrimin e hapësirave të spitalit më të madh në vend.
“Autoriteti kontraktues në afat prej 10 ditësh duhet ta informojë me shkrim panelin shqyrtues për të gjitha veprimet e ndërmarra lidhur me këtë aktivitet të prokurimit dhe palët tjera në procedurë”, thuhet në vendimin e OSHP-së.
Gjithë kjo ka ardhur pas një ankese në OSHP të konsorciumit “Krasniqi dhe Beni Schaferberger”.
.
