Kjo vizitë e Mustafës në veri është përcjellë me tensione, pasi që banorët serb e kanë bllokuar një pjesë të rrugës në momentin që pritej kalimi i kryeministrit Mustafa dhe komandantin të KFOR-it, Giovanni Fungo, transmeton lajmi.net.
Serbët në vendin e quajtur Rudare kishin vendosur kamionë, autobusë dhe vetura për t’ia pamundësuar kryeministrit kalimin, mirëpo ishin përdorur rrugë dytësore që të mbërrijë në vendin ku përurohej ura.
“Kryeministri Mustafa gjatë qëndrimit në pjesën veriore të Republikës së Kosovës, shoqërohej nga ministri i Forcës së Sigurisë së Kosovës, Haki Demolli dhe ministri i Punëve të Brendshme, Skënder Hyseni. Në ceremoni ishin të pranishëm komandanti i KFOR-it, Gjeneral Major Giovanni Fungo, drejtues të lartë të KFOR-it si dhe përfaqësues të banorëve të zonës. Ura është ndërtuar nga NATO me një investim prej 400 mijë eurosh dhe lidh shumë vendbanime të dy komunave të vendit”, thuhej në kumetesën e zyrës së kryeministrit. /Lajmi.net/
.
