Thomas Salbey, i cili është ballafaquar me vrasësin në Mynih ka rrëfyer momentet e tmerrit. Ai thotë se ka qenë duke pirë birrë, kur ka dëgjuar të shtëna armësh. “Pija birrë pas punës dhe dëgjova të shtëna. Së pari në ‘Mek Donald’s’. Bam, bam, bam, kështu tingëllonte. Atëherë njerëzit filluan të vraponin nga qendra tregtare, që është pikërisht nën shtëpinë tonë. Fillimisht mendova së po dëgjohej kallashnikovi”, ka rrëfyer ai.
Agresori i ngjarjes në Mynih ku pati nëntë të vdekur, kishte një debat të ashpër me një banor të zonës ku ndodhi ngjarja pranë qendrës tregtare “Olimpia”. Ali Sonboly, 18 vjeç, pati një sherr verbal me Salbey, 57 vjeç.
