Paraditen e sotme, në nderim të jetës, veprës dhe gjakut të derdhur për lirinë në 20 vjetorin e rënies u përkujtuan Dëshmorët e Kombit, Njazi Bajraktari dhe Faton Vehbiu.
Kryesuesja e Kuvendit të Komunës, Kristina Gashi Bytyçi bashkë me drejtorë komunal, kryetarin e Shoqatës së Familjeve të Dëshmorëve, Gafurr Bytyçi, kryetarin e Organizatës së Veteranëve të Luftës së UÇK-së në Ferizaj, Rafiz Sejdiu dhe dhjetëra qytetarë e familjarë të dëshmorëve bënë homazhe duke u përkulur dhe vendosur kurora lulesh në varret e dy dëshmorëve dhe lapidarin e Dëshmorëve të Kombit të UÇK-së në kompleksin e varrezave të Dëshmorëve të Kombit në Ferizaj.
![](https://ferizajpress.com/wp-content/uploads/2019/05/59914602_2299682320077590_6079672597153316864_o.jpg)
Dëshmorët e Kombit, Njazi Bajraktari dhe Faton Vehbiu ranë heroikisht, për të mos vdekur kurrë, 20 vjet më parë në luftën tonë çlirimtare sikurse mijëra Dëshmorë të Kombit , vepra, heroizmi, sakrifica e të cilëve solli lirinë dhe pavarësinë e Kosovës.
![](https://ferizajpress.com/wp-content/uploads/2019/05/59962606_2299682360077586_826635463354744832_o.jpg)
![](https://ferizajpress.com/wp-content/uploads/2019/05/60621817_2299682740077548_4292044686719188992_o.jpg)