Shoqata e Gastronomëve të Kosovës njofton se pas një aksidenti të rëndë ka humb jetën gastronomi ferizajas Agron Uka.
“Agroni ka qenë një gastronom i suksesshëm, energjik dhe i devotshëm, duke i dhënë shije të veçantë dhe vlerë Ferizajit”, thuhet ndër të tjera në njoftimin e tyre.
Njoftimi i plotë i Shoqatës së Gastronomëve të Kosovës:
Pas një aksidenti të rëndë, ndërroi jetë Agron Uka.
Shoqata e Gastronomëve të Kosovës në emër të anëtarëve të saj, shpreh ngushëllimet më të sinqerta familjes Uka dhe për të afërmit e saj, me rastin e humbjes së më të dashurit të tyre.
Agroni ka qenë një gastronom i suksesshëm, energjik dhe i devotshëm, duke i dhënë shije të veçantë dhe vlerë Ferizajit.
Prehu në paqe Agron, të qoftë dheu i lehtë e i përjetshëm kujtimi për ty!.
Familjes se Agronit ka shprehur ngushëllime edhe kryetari i Ferizajt, Agim Aliu.
“Me pikëllim morëm lajmin për ndarjen nga jeta në moshë të re të bashkëqytetarit tonë, Agron Uka. Me këtë rast, Kryetari i Komunës, Agim Aliu përmes telegramit, i shpreh ngushëllime të sinqerta familjes, miqve e të njohurve të të ndjerit”, thuhet në telegram ngushëllimin e tyre.
