Pas aktakuzës nda Presidentit Thaçi dhe kryetarit të PDK-së Kadri Veseli ka reaguar kryetari I Ferizajt Agim Aliu, njëherit nënkryetar i PDK-së.
“Lufta e UÇK-së e uniforma e saj që u njomë me gjakun e të rinjve më të dashur të kombit, nuk njeh asnjë njollë e asgjë nuk mund t’ia humb pastërtinë kristale” ka shkruar Agim Aliu.
“Populli që deshi 21 vjet më parë lirinë, pa në sytë e çlirimtarëve se Kosova pa gjak e pushkë nuk do të çlirohej. Janë pikërisht, kreu i Ushtrisë së Lavdishme Çlirimtare të Kosovës, Presidenti Hashim Thaçi e Kryetari Kadri Veseli, mijëra luftëtarë të lirisë, dëshmorë e martirë që para se t’i japin lamtumirën kësaj bote, ëndërruan e luftuan për lirinë!
Këtë që përjetuam në kurrizin tonë, në lëkurën e gjithsecilit që vetëm se ishte shqiptarë – u vra, u dëbua, u dhunua, u plaçkit – nuk mund ta ndërroj asnjë proces gjyqësor, as ky i nisur tash nga Gjykata Speciale.
Lufta e UÇK-së e uniforma e saj që u njomë me gjakun e të rinjve më të dashur të kombit, nuk njeh asnjë njollë e asgjë nuk mund t’ia humb pastërtinë kristale.
Me ty President Thaçi, me ty Kryetar Veseli, me ju që Kosovës bashkë me luftëtarët e lirisë, i bëtë ëndrrën shekullore të lirisë, realitet!” ka shkruar Aliu.
