Mediat serbe citojnë Nikoliqin t’i ketë thënë ambasadorit amerikane se “e kupton se Amerika pa asnjë kusht mbështetë diçka që në krijimin e saj (Kosovës) ka ndikuar drejtpërdrejt Uashingtoni zyrtar”.
Sipas tij, duke e implementuar dëshirën e vet, Amerika ka krijuar shumë probleme. “Pres që administrata e re ta ndërpresë një sjelle të tillë”, i ka thënë Nikoliq ambasadorit amerikan, shkruan lajmi.net.
Ai tutje ka thënë se pret përmirësim të bashkëpunimit bilateral ndërmjet dy vendeve, Amerikës dhe Serbisë,
Nikoliq tutje ka shtuar se “sjellja e Prishtinës në lidhje me trenin, është plotësisht e papranueshme”.
“Për ata, është provokim treni i vizatuar me shenja serbe dhe ndaj atij treni u nisën me bomba dhe tyta të gjata, pa miratimin e KFOR-it. Askush nuk pyet se a është provokim ajo që në territorin e Kosovës lirisht promovohen gjëra që lidhën me Shqipërinë e Madhe dhe publikisht promovohen ide të tilla të pakuptimta”, ka thënë ai.
Në anën tjetër, ambasadori amerikan i ka thënë Nikoliqit se nuk bëhet fjalë për lëvizjen e lirë, por për pajtim rreth hyrjes dhe lëvizjes së trenit. /Lajmi.net/
