Ne si klub, në mbledhjen me donatorë 28 Shtator 2020, patëm nderin që t’i kemi të pranishëm Presidenten Jahjaga, që vlerësoi lartë këtë objektiv, Rektorin e Universitetit të Prishtinës z. Naser Sahiti, Anëtarin e Nderit të Klubit Rotary Ferizaj Dr.Lul Raka e të tjerë. Një falënderim edhe kësaj here për Anëtarin e Nderit të Klubit Rotary Ferizaj, gazetarin dhe publicistin, Rexhep Rifati që jeton në Zvicër, për faktin se ai është nismëtari i Fondit të Bursave dhe donatori më i madh, për çdo vit kontribuon me nga 4 bursa, ndërsa që nga Zvicra sivjet do të ketë mbi 10 bursa.
Shkruan: Arzie Bekteshi, kryetare e Klubit Rotary Ferizaj
Si edhe viteve të kaluara, Klubi Rotary Ferizaj mbrëmë ka mbajtur një takim me donatorët e fondit të bursave për studentë nga Komuna e Ferizajt. Ky takim ka pasur për qëllim shprehjen e mirënjohjes tonë si klub për donatorët zemërbardhë që tash e pesë vite po kontribuojnë çdo vit për mbi 30 studentë të komunës sonë e më gjerë ta kenë një përkrahje sado modeste financiare që t’i përballojnë shpenzimet e studimeve.
Ngjarja është organizuar sipas rekomandimeve të Institutit të Shëndetit Publik, duke respektuar distancën dhe masat e kujdesit. Ne si klub, kemi pasur nderin dhe kënaqësinë që t’i kemi të pranishëm Presidenten Jahjaga, Rektorin e Universitetit të Prishtinës z.Naser Sahiti, Anëtarin e Nderit të Klubit Rotary Ferizaj Dr.Lul Raka e shumë të tjerë.
Një falënderim i veçantë edhe kësaj here i kushtohet Anëtarit të Nderit të Klubit Rotary Ferizaj, gazetarit dhe publicistit të palodhshëm z. Rexhep Rifati që mbrëmë nuk ishte me ne, sepse jeton në Zvicër, për faktin se z. Rexhep është nismëtari i Fondit të Bursave dhe donatori më i madh, i cili ka kontribuar për çdo vit me nga 4 bursa, ndonëse është pensionist dhe nuk merret me biznes. Përveç 4 bursave të tij, baca Rexhë këtë vit ka siguruar nga donatorët tjerë në diasporë edhe 6 bursa tjera, pra vetëm nga Zvicra do t’i kemi 10 bursa.
Kjo gjë verteton se ekziston vullneti i mirë ndonëse në një vit të vështirë ekonomikisht për gjithë botën. Përveç për z. Rexhepin, duam të shprehim falënderimet më të sinqerta edhe për donatorët tanimë të rregullt si:
Haziz Rysha – Eskavatori MK (Rotarian)
Isa Rysha-Eskavatori
Ibrahim Bucaliu – Hib Petrol
Dr. Xheladin Reçica – Ordinanca Dr. Xhela (Rotarian)
Rexhep Limani-Agrocoop (Rotarian)
Ibrahim Xhemajli-Danimarkë
Nerzedin Reka – Zvicër
Bujar Hasani – HITI
Blerim Hyseni – Bavaria
Sylejman Neziri-Plus market (Rotarian)
Njazi Musliu-SHBA
Armend Lubishtani e Gazmend Vranovci-Diagonal BP
Besart Krosa-Istanbul Tour
Faton Ibrahimi-Burimi VDD
Arben Vata-Zvicër
Teuta Kerhani- Rifati – Zvicër
Drilon Selimi- Zvicër
Dr. Hamza Selmani-Ordinanca ZEMRA
Dr. Bajram Syla-Ordinanca Dr. Bajrami
Zekerja Kamberi-Poliklinika ZEKA
Dr. Bajram Haziri-Poliklinika CT Beni
Afërdita Hoxha-Hotel Rubis
Naser Hoxha-OXA Group
Dr. Rrushe Ramadani/Rushiti
Dr. Shpresa Tafarshiku
Ndihemi shumë të kënaqur që sivjet vargut të gjatë të donatorëve të rregullt i janë bashkangjitur
edhe:
Dr. Rukije Goga-Aliu – Laboratori Biokimia Mjekësore
Sokol Bekteshi – MIA Group
Besim Uka-Francë
Adem Rushiti-Shtime dhe
Ragip Dermaku – Butterfly
Dyert janë të hapura që këtij vargu të gjatë të donatorëve t’I bashkangjitet çdokush që dëshiron të kontribuojë që numri i bursistëve të jetë edhe më i madh se 30 e sa që i kemi siguruar deri tani për këtë vit akademik. Ju mirëpresim!
Prononcimi i ish- presidentes së Kosovës Atifete Jahjaga:
Sonte pata kënaqësi të marr pjesë në ceremoninë e ndarjes së plotë 33 bursave për studentë nga Komuna e Ferizajt të organizuar nga Klubi Rotary Ferizaj.
Iniciativa të tilla të cilat i dalin në ndihmë grupeve të ndryshme shoqërore, e sidomos rinisë duhet përgëzuar vazhdimisht!
Rotary Club Ferizaj iu uroj punë të palodhshme në realizimin e projekteve në të mirë të komunitetit.
