Mbrëmë rreth orës 2:30 janë arrestuar nëntë persona në një lokal duke luajtur bixhoz.
Sipas policisë, janë konfiskuar 499 zhetona për lojë të bixhozit, me të cilët kishin qenë duke luajtur të dyshuarit në tavolinë dhe 16 palë letra bixhozi.
“Rr. Agim Matoshi, Ferizaj 19.12.2019 – 02:30. Janë arrestuar nëntë meshkuj K/Shqiptarë, të cilët nga njësitë policore janë hasur në një lokal duke luajtur bixhoz. Si prova materiale janë konfiskuar 499 zhetona për lojë të bixhozit, me të cilët kishin qenë duke luajtur të dyshuarit në tavolinë dhe 16 palë letra bixhozi. Me urdhër të prokurorit të gjithë të dyshuarit pas intervistimit janë liruar, rasti procedohet në procedurë të rregullt”, thuhet në njoftim.
