Ka ndërruar jetë edhe familjari i tretë, që ishte i përfshirë dje në aksidentin e komunikacionit në Landin e Baden Württemberg në Gjermani,
Lajmin e ka bërë të ditur ministrja e Punëve të Jashtme, Meliza Haradinaj Stublla, përmes një statusi në rrjetin social në Facebook, duke thënë se këtë informatë e ka marr nga ambasada e Republikës së Kosovës, në Gjermani.
Ajo ju shpreh ngushëllime familjarëve për rastin.
“Ambasada e Republikës së Kosovës në Gjermani kanë njoftuar që sot ka ndërruar jetë edhe shqiptari i tretë në aksidentin e rëndë në Landin e Baden Württemberg. Në këto çaste të vështira për të gjithë ne ku për vetëm një javë u shuan 6 jetëra të bashkëatdhetarëve tanë, shprehim pikëllimin e thellë për të gjitha tra gjeditë e tm errshme që rënduan fatin e diasporës sonë sidomos javën e fundit, duke u shprehur ngushëllimet e sinqerta në emër të Ministrisë së Punëve të Jashtme dhe Diasporës të Republikës së Kosovës”, ka thënë ajo.
Ministrja e MPJ-së po ashtu theksoi se MPJD dhe misionet e saj diplomatike e konsullore janë në kontakt të vazhdueshëm me autoritetet e shteteve pritëse dhe në shërbim të qytetarëve tanë kudo.
“Duke qenë të vetëdijshëm që jeta në mërgim nuk është e lehtë, dua të shprehë mirënjohjen time të thellë për të gjithë bashkëkombësit tanë në diasporë që nuk e harruan asnjëherë gjakun, atdheun, dhe kombin, dhe kështu mbesin pjesë e pandashme e jona, pavarësisht se ku ndodhen fizikisht. MPJD dhe misionet e saj diplomatike e konsullore janë në kontakt të vazhdueshëm me autoritetet e shteteve pritëse dhe në shërbim të qytetarëve tanë kudo”, ka shkruar ministrja Haradinaj-Stublla.
