Gjatë natës së kaluar, pronarit të një dyqani për shitjen e telefonave celularë në Shtime i është rrezikuar jeta, kjo për shkak se derisa ai ishte duke punuar në një celular, ka shpërthyer bateria.
Por fatmirësisht, nga shpërthimi i baterisë nuk ka pësuar askush. Pronari i këtij mobil shopi, Urim Krasniqi tha për Telegrafin se rasti ka ndodhur mbrëmë rreth orës 20:00.
Celularit të cilit i ka shpërthyer bateria ishte iPhone 6.
Ndryshe, pajisjet e ndryshme teknologjike shpesh-herë kanë rrezikuar jetën e njerëzve, nga shpërthimi i baterive, shumë persona kanë marrë lëndime e disa prej tyre edhe kanë humbur jetën./Telegrafi/