Volejbollistët e Lubotenit tashmë kanë kryer të gjitha formalitet e nevojshme për pjesëmarrje në garat Kupa e sfidës (Challenge Cup)
Përfaqësues të klubit KV “Luboteni” kanë bërë të ditur se sot ka qenë dita e fundit për përmbushjen e dokumentacionit dhe kushteve për pjesëmarrje në këto gara e të cilat ky klub i ka kryer të gjitha.
Tani mbetet vetëm të përgatiten për garat në të cilat për herë të parë merr pjesë një klub nga Ferizaj.
Këtë vit Federatës së Kosovës,i është lejuar pjesëmarrja e dy ekipeve në të dyja konkurrencat në garat e CEV-it 2017, dhe atë:
1.Liga e Kampionëve (Champion League)
2.Kupa e sfidës (Challenge Cup)
-Fituesit e Kampionatit (vetëm Kampionët) kanë të drejtë pjesëmarrjeje në Ligen e Kampionëve(Champions League)
Pasi që këtë vit në Kampionatin tonë fituesit e Kupës së Kosovës janë po ata fitues të Kampionatit, atëherë i jepet e drejta ekipit të dytë të kualifikuar në Kampionatin e Kosovës (finalistit të Play-off it),në këtë rast KV “Luboteni”, që të marrë pjesë në Kupën e Sfidës (Challenge Cup).
