19.12.2017 . Deputeti i Aleancës për Kosovën e Re (AKR), Labinot Tahiri, po shpreson se një ditë do të bëhet kryetar i Ferizajit.
Ai në emsionin “Debat D” në RTV Dukagjini, ka theksuar se një ditë ai do ta drejtojë komunën e Ferizajit, duke shtuar se qëllimi kryesor i tij është që t’i shërbejë qytetarëve të këtij qyteti.
“Unë jam mësua ashtu me ju shërbye atyre edhe në aspektin human. Unë filloj pastaj popullata vendos. Uroj që katër vitet e ardhshme të shkojnë shpejt”, ka thënë Tahiri.
Ai ka folur edhe për kohën kur diskutohej ndërtimi i koalicioneve qeveritare, duke theksuar se nuk ka pranuar kurrë kërcënime për ta përkrahur njërin ose tjetrin krah.
“I kam pranuar të gjithë polikanët që kanë negociuar me mua, si nga opozita dhe pozita. Kur e kam parë që LDK, VV dhe AKR nuk po bien në ujdi, kam insistuar që të Ramushi ta drejtojë Qeverinë”, ka shtuar Tahiri.
Labinot Tahiri për herë të parë flet për takimin që kishte pasur me Adem Grabovcin pas një dasme
Deputeti i Aleancës Kosova e Re (AKR), Labinot Tahiri ka rrëfyer sot për takimet e tij me zyrtarë të PDK-së, përfshirë Adem Grabovcin, para formimit të Qeverisë së Kosovës, në muajin gusht të këtij viti.
Tahiri, në një intervistë për RTV Dukagjinin, ka treguar se me Adem Grabovcin ishte takuar pas një dasme, ku kishte shkuar të ushtronte profesionin e tij të këngëtarit. Deputeti i AKR-së konfirmoi se me Grabovcin kishte biseduar për votën e tij.
“Po e kam takuar Adem Grabovcin, pasi që kishte përfunduar një dasmë ku isha”, ka treguar Tahiri.
Tahiri thotë se shumicën e anëtarëve të Partisë Demokratike të Kosovës i ka pasur miq, pasi siç tha ai, i kishte takuar edhe më parë – para se të inkuadrohej në politikë.
“I kam njohur shumicën prej PDK-së, i kam pasur miq. E kanë diskutuar një mundësi për votën time, por jo që kanë tentuar me doemos me e marrë votën time”, ka thënë Tahiri.
Tahiri ka folur edhe për takimet me kryeministrin aktual të Kosovës dhe ish-kandidatin për kryeministër nga koalicioni PDK-AAK-NISMA. Ai ka thënë se ka pasur presione miqësore nga Haradinaj, për ta votuar qeverinë Haradinaj.
“Presione miqësore duhet të them, dhe jo kështu që kanë thënë ‘u ble Labi’. Normalisht, kam lobuar tërë kohën për t’u bërë kjo qeveri që është”, ka thënë Tahiri
