Labinot Tahiri ish-deputeti në Kuvendin e Kosovës është duke u ankuar për ndërprerje të rrymës në qytetin e tij. Ai akuzon KEDS-in pasi që sipas tij rryma është ndal pa paralajmërim.
Përmes një postimi në llogarinë e tij në Facebook, Tahiri ka shkruar se mënyra si është duke vepruar KEDS-i është turp i madh.
“Turp i madh me e ndal rrymen pa paralajmrim dhe pa dhënë as nje llogari!”, ka shkruar Tahiri.
Ndër tjera Tahiri ka shkruar se të gjithë duhet të ankohen dhe të protesojnë për administrimin e energjisë elektrike nga kompania turke.
“Mjerë familjet që nuk kanë! Turku, e ka nën administrim energjinë eektrike në vendin tonê, dhe askush nuk ngrihet në këmbë kur na e ndalin me pa të drejtë apo pa paraljamrim!Kur shpenzojmë karburant ose kur mbesim në terr askujt nuk i intereson!”, ka shkruar Tahiri.
Tutje ai ka shkruar se “Jeni dhe jemi duke e jetuar jetën gjithmonë si me qenë mysafir në tokën tonë, se askush nuk shqetësohet për jetën e vet. Unë e kam rrymën zero zero, por ata që nuk e kanë, dhe nuk kanë ku i marrin paratë a i kujton Turku, e dim që kurrë nuk iu intereson”.
