Paraditen e sotme, i pari i Komunës së Ferizajt, Agim Aliu priti në takim, drejtuesit e komandës së re të njësisë LMT të KFOR-it Amerikan.
Temë bosht e diskutimeve ishte vijimi i bashkëpunimit mes Komunës së Ferizajt dhe kësaj njësie në dobi të qytetarëve ferizajas.
Kryetari Aliu falënderoi KFOR-in Amerikan për gjithë mbështetjen e ofruar deri më tani, në sfida të ndryshme por edhe në nisma komunitare në dobi të qytetarëve.
Të gatshëm për intensifikimin e bashkëpunimit u shprehën edhe mysafirët të cilët shprehën vlerësimin për punën e kryer nga ekzekutivi në përparimin përmes investimeve të shumta publike.
