Pasditen e sotme, në ambientet e Kuvendit të Komunës, Nënkryetari i Komunës, Lulzim Aliu dhe drejtues nga Policia e Kosovës në Ferizaj, si zëvendëskomandanti i Stacionit Policor në Ferizaj, z. Ismet Dervishi e të tjerë, mbajtën takim me kryetarët e zgjedhur të fshatrave dhe zonave urbane ku temë ishte siguria në komunitet si dhe aspekte të tjera të sigurisë të cilat u paraqitën nga kryetarët e fshatrave dhe zonave urbane.
Ky takim, ishte edhe takim njohës mes drejtuesve të institucioneve të sigurisë dhe kryetarëve të zgjedhur të fshatrave dhe zonave urbane me qëllim koordinimi e bashkëpunimi në fusha të ndryshme në interes të qytetarëve.
