Inxhinieri Shkelzen Bekteshi në Mynih të Gjermanisë, vendosi t’i dhuroj qytetit të tij, Ferizajt, një donacion nga puna e tij, tash kur po përballemi me pandeminë e virusit COVID-19. Janë 50 maska të realizuara me printer 3D, të testuara në Gjermani, që sot arritën si donacion për Komunën e Ferizajt, pasi kaluan procedurat doganore. E dorëzimin e tyre e bëri Adnan Bekteshi, kurse pranimin e bëri Albion Sherifi, Zyrtar për Marrëdhënie me Publikun në Komunën e Ferizajt.
Komuna e Ferizajt falënderon donatorin publikisht për maskat e cilësisë së lartë, vullnetin e tij që të ndihmoj punonjësit e ekspozuar ndaj virusit gjatë kryerjes së punës në shërbimin komunal.
