Fundviti 2019, bëri përmbledhjen edhe të punës së Kuvendit të Komunës. Për këtë, paraditen e sotme doli në konferencë për media, Kryesuesja e Kuvendit të Komunës, Kristina Gashi Bytyçi e cila paraqiti sukseset, sfidat dhe gjithë angazhimin e punonjësve e anëtarëve të Kuvendit të Komunës gjatë viti 2019.
Dhjetëra akte ligjore, vendime, rregullore, statute e diskutime u ndërmorrën gjatë një viti kalendarik të Kuvendit të Komunës. Kjo flet për një agjendë dinamike të këtij institucioni, bazuar në propozimet e ekzekutivit të Komunës.
Kryesuesja Bytyçi njoftoi qytetarët ferizajas mbi të arriturat e organit legjislativ lokal, ku mes tjerash tha se gjatë vitit 2019, Kuvendi i Komunës përveç 81 vendimeve, miratoi dhe ndryshoi 6 rregullore komunale siç është ajo mbi themelimin dhe strukturimin e asambleve komunale të fëmijëve, plotësim ndryshimi i Rregullores për Dhënien e Dekoratave, Rregullorja për Transparencën Komunale, Rregullorja Komunale për Varrezat – ofrimin e shërbimeve të varrimit dhe mirëmbajtjen e tyre, rregullorja për rregullin dhe shërbimet komunale si dhe ajo mbi vendosjen e tatimit në pronë të paluajtshme për vitin tatimor 2020.
Detajet gjeni në video e plotë të konferencës për media të Kryesueses së Kuvendit të Komunës.
