Kadare në këtë intervistë ka folur sidomos për ambientin e kafeneve, duke qenë se libri i tij “Mëngjese në kafe Rostand” është shkruar pikërisht në një kafene.
Ai shprehet se mban mend se që në fëmijëri kafenetë ishin ambiente ku shkëmbeheshin mendime të ndryshme politike, letrare dhe artistike dhe se si këtë gjë e pamundësoi sistemi diktatorial stalinist dhe ai që ekzistonte në Shqipëri, shkruan Shekulli.
Për Kadarenë që e ka kaluar jetën e tij mes kryeqyteteve si Tirana dhe Parisi, pa harruar edhe vendlindjen Gjirokastrën, sot qytetërimi evropian iu ka dhënë përparësi kafeneve, si vend ku mund të shkëmbehen fjalë, kalohet këndshëm dhe të ndihet kënaqësia e bisedës.
