Në kuadër të projektit për modernizimin e administratës komunale, Komuna e Ferizajt është duke bërë investime të nevojshme me qëllim të krijimit të lehtësirave në marrjen e shërbimeve komunale nga ana e qytetarëve.
“Ne jemi të angazhuar dhe po bëjmë përpjekje maksimale që të kemi një Administratë Komunale të modernizuar, funksionale, transparente, llogaridhënëse dhe në shërbim të të gjithë qytetarëve pa dallim. Qeverisja e Kryetarit z.Aliu ka objektivat kryesore strategjike të modernizimit të administratës siç janë përmirësimi i organizimit dhe funksionimit të administratës me synim rritjen e efikasitetit të veprimit administrativ dhe të cilësisë të menaxhimit publik, përmirësimi i marrëdhënieve midis administratës dhe qytetarëve me synim përmirësimin e shërbimeve që u jepen atyre, dhe përmirësimi i legjislacionit dhe konsolidimi i praktikave më të mira administrative për t’iu përshtatur standardeve” ka thënë Arton Gavazi, Drejtor i Administratës së Përgjithshme
