Përveç që përngjan me Robert Berishën, ai është edhe fans i tij Jo rrallë ndodh që persona të shumtë të përngjajnë fizikisht me njëri-tjetrin. Edhe pse nuk kanë lidhje gjaku, megjithatë një pjesë e madhe e njerëzve kanë diçka të përbashkët me dikë.
E në mesin e tyre është edhe Burhan Sadiku, i cili përveç se ka marrë shumë komente se përngjan me një këngëtar të estradës, ai madje është edhe fans i tij. Sadiku, me prejardhje nga Ferizaj por, që jeton dhe vepron në Gjermani është personi që përngjan mjaft shumë me Robert Berishën, këngëtarin e mirënjohur. Për rtv21.tv Sadiku ka treguar se shumë shpesh i ndodh që njerëzit ta komentojnë për dukjen dhe ngjashmërinë me Robert Berishën.
Sipas tij kjo nuk paraqet aspak pengesë, madje ai ndjehet shumë i lumtur. Përveç këtij fakti, Sadiku tregon se ai është fans i Robertit, dhe ka marrë pjesë në të gjitha koncertet e tij që i ka mbajt në Prishtinë, Ferizaj, Gjilan e qytete tjera.
Robert Berisha është një këngëtar i njohur dhe muzika ku identifikohet më shumë është ajo pop, popullore moderne dhe popullore vajtuese. Kënga “Pa ty”, është projekti i fundit i lansuar nga ai.
