Të dielën më 23 Qershor në kuadër të Kampionatit të organizuar nga FASK mbahet gara e dytë, disciplina “Auto Slalom” konkurrenca e femrave.
Gara do të zhvillohet në qytetin e Ferizajt përkatësisht në rrugën para Palestrës së Sporteve “Bill Klinton”, drejtimi Ferizaj-Shtime.
“Auto Slalom” është disciplinë teknike me pengesa, e pa rrezikshme në të cilën automjetet përshkojnë pistën e caktuar njëra pas tjetrës drejt finishit. Në këtë garë mund të marrin pjesë të gjitha femrat e pajisura me patente shoferë me veturat e tyre civile ku gomat dhe frenat duhet të jenë në gjendje të rregullt.
Qëllimi i projektit: “Auto Slalom” për femra është një ngjarje, në të cilën pjesëmarrës do të jenë garuese të ndryshme nga vendi dhe rajoni. Kjo garë ka për qëllim vërtetimin e vlerave të femrës së fuqishme dhe të pavarur, për t’i rrëzuar paragjykimet dhe stereotipet karshi femrës në timon.
Falënderojmë Komunën e Ferizajt të cilët bënë të mundur që kjo garë të mbahet në qytetin e Ferizajt duke na ofruar të gjitha kushtet e nevojshme për realizimin e një ngjarje të tillë, falënderojmë ish-presidenten Atifete Jahjaga për përkrahjen e vazhdueshme, Policinë në qytetin e Ferizajt dhe ekipin mjekësore të cilët janë në gatishmëri për të ruajtur sigurinë, qetësinë publike dhe shëndetin e secilit pjesëmarrës.
Agjenda e garës:
Në ora 9:30-11:00 paraqitja e garuesve
11:00-11:30 kontrollimi teknik i veturave garuese
11:30-12:00 Publikimi i listës shartuese, brifingu me garues, përgatitja për start
12:00 vozitja të lira
Me respekt,
FASK dhe ERT
