Drejtoresha e gjimnazit shoqërorë “Shaban Hashani” në Ferizaj, i është përgjigjur Ymri Hashanit, zyrtarit të LDK-së, i cili ka thënë se në shkollë nuk po mbahet mësimi sepse nuk ka nxehje.
Të bashkangjitur e keni shkrimin e z. Hashani dhe reagimin e znj. Nebihi.
“Ngrohja në gjimnazin “Shaban Hashani” është rregulluar dhe po funksionon. Kjo është gjendje faktike e cila mund të vërtetohet çdo ditë, nga secili, madje edhe nga z. Ymri Hashani. Kur kam filluar punën në këtë gjimnaz, në shtator të këtij viti, sistemi i ngrohjes ka qenë si mos më keq: pa rezervuarin e nevojshëm, pa ujë dhe me sistem të radiatorëve të prishur. Në këtë gjendje ky sistem ka ardhur si pasojë e neglizhencës së vazhdueshme të drejtorëve të mëparshëm. Sot, rezervuari, uji për mbushje dhe radiatorët janë rregulluar falë mbështetjes së Drejtorisë Komunale për Arsim dhe kompanisë rajonale “Bifurkacioni”, të cilët edhe i falënderoj për vullnetin e sinqertë për të ndihmuar.
Gjithashtu pretendimi se ka pasur ditë që janë mbajtur nga një ose dy orë, është plotësisht i pavërtetë. Nuk e di për çfarë revolte e ka pasur fjalën zotëria i lartcekur, sepse prej prindërve kam gjetur vetëm dëshirë për bashkëpunim dhe mirëkuptim, të cilët po japin gjithashtu një kontribut të çmueshëm me përfaqësuesit e tyre dhe me mësimdhënësit e tjerë, në Këshillin Drejtues të shkollës, organ i cili ka qenë jo-funksional më herët.
Thonë se mendjet e vogla merren me gjëra të vogla. I tillë qenka treguar z. Hashani kur i paska përmendur panot e korridoreve. Sa për sqarim, asnjë pano e ndonjë nxënësi nuk është larguar. Përkundrazi, ato janë shtuar sepse është krijuar hapësirë edhe me e madhe për to, nga momenti që i kam hequr fotot e ish-drejtorëve të kësaj shkolle, të cilat i kishin mbushur muret duke mos lënë hapësirë madje edhe për foton e vetë Shaban Hashanit, emrin e të cilit e mban shkolla.
Të gjitha këto argumente që i kam shtruar, po e përsëris, janë edhe gjendje faktike. Secili që ka interes mund të vijë çdo ditë në këtë shkollë dhe ta vërtetojë. Ndërsa për z. Hashani e kam vetëm një këshillë: Para se ta kritikosh shkollën, të lutem, mëso fillimisht të shkruash.” ka shkruar zonja Nebihi.
Ky është shkrimi i zyrtarit te LDK-se Ymri Hashani:
“Pushteti komunal i Agim Aliut ne Ferizaj, as qe brengoset per kushtet e domosdoshme per shkollat ne qytet e fshatra ne prag te ndrrimit te motmoteve. Ne mungese te nxemjeve ne disa shkolla ne keto dite te ftohta ata ne heshtje nuk mbajne oret mesimore ose i shkurtojne ato ne 20 minuta sa per te vene firmen ne ditaret e klasave mesimdhenesit e lendeve. Madje ne Gjimnazin ” Shaban Hashani “, ka disa dite qe mbahet vetem nje ore ose dy ne dite. Prinderit por edhe nxenesit jan te revoltuar nga kjo papergjegjesi totale e pushtetit por edhe e drejtoreshes se kesaj shkolle Hajrije Nebihut, e cila prej ardhjes se saj ne kete pozite, eshte marre vetem me selekcionimin e panove qe kan pasqyruar sukseset e nxenesve e qe ishin te varura ne muret e holeve e koridoreve te shkolles duke i zevendesuar ato me plotesime tjera sipas kritereve te saj.Aty ku ishte i rezervuar vendi i promovimit dhe pasqyrimit te sukseseve te veqanta apo ndonje pikture e nxenesve, tani nuk ekziston, sepse drejtoreshes nuk i intereson motivimi i tyre dhe as krijimi dhe kultivimi i frymes garuese.Derisa ajo dhe te tjere si ajo bashke me pushtetin e PDK se ne Ferizaj te kujtohen per ngrohje ne shkollat e Ferizajt, nxenesit po merdhijne dhe po shendrrohen ne paciente. LDK ne Ferizaj kerkon pashtyeshem krijimin e kushteve normale per nxenes dhe respektimin e orarit ditor te mesimit dhe programin arsimor sepse humbja e oreve te reja mesimore eshte e pakompenzueshme.”
