Vullneti i mirë për të ndihmuar e lehtësuar funksionimin e institucioneve tash kur po përballemi me pandeminë e virusit COVID-19, po konkretizohet çdo ditë me vepra konkrete donatorësh.
Së fundmi është donatori, asambleisti Lulzim Abazi që në cilësinë e Kryetarit të Këshillit të Prindërve në Gjimnazin “Kuvendi i Arbrit” dhuroi 4 pajisje dezinfektimi dhe 2 termometër adekuat, për nevojat e shkollës në përballje me pandeminë.
Kujtojmë se donatori Lulzim Abazi edhe muaj më parë dhuroi pajisje për prodhimin e oksigjenit për Spitalin e Ferizajt dhe QKMF, model që meriton mirënjohjen dhe për të cilat dhe donacionin e sotëm, Komuna e Ferizajt, shpreh falënderim publik.
