Ambasadori amerikan Greg Delawie e ka përgëzuar Kuvendin e Kosovës dhe kryeparlamentarin Veseli për organizimin e debatit demokratik, ndërsa pasi ka dëgjuar ekspertët në debat, theksoi se Shtetet e Bashkuara e mbështesin punën e komisionit shtetëror, duke thënë se territori aktual që e ka Kosova është edhe në hartën që ndodhet në flamur.
Pas gati një viti të ballafaqimeve mes qeverisë dhe opozitës për marrëveshjen e shënjimit të kufirit mes Kosovës dhe Malit të Zi ku u shkaktuan edhe trazira e bllokada në institucione, për herë të parë, Kuvendi i Kosovës ka arritur ti bëjë bashkë gjitha forcat politike dhe përfaqësuesit e institucioneve të pavarura, për të diskutuar në debat profesional – shkencor për çështjen e shënjimit të kufirit.
Për organizimin e debatit gjithëpërfshirës dhe transparent, diplomatë perëndimorë që ishin të pranishëm në debat përgëzuan kryetarin e Kuvendit Kadri Veseli.
Ambasadori amerikan Greg Delawie e ka përgëzuar Kuvendin e Kosovës dhe kryeparlamentarin Veseli për organizimin e debatit demokratik, ndërsa pasi ka dëgjuar ekspertët në debat, theksoi se Shtetet e Bashkuara e mbështesin punën e komisionit shtetëror, duke thënë se territori aktual që e ka Kosova është edhe në hartën që ndodhet në flamur.
Edhe përfaqësuesi i Zyrës së Bashkimit Evropian, Tomas Gnocchi përgëzoi kryeparlamentarin Veseli për mënyrën e organizimit të debatit gjithëpërfshirës, ndërsa theksoi se miratimi i marrëveshjes për shënjimin e kufirit është një hap i rëndësishëm për Kosovën në procesin e liberalizimit të vizave.
Që nga paslufta, për herë të parë gjithë spektri politik dhe ekspertë të fushave përgjegjëse kanë diskutuar hapur në një tryezë debati për çështje me interes nacional.
