Ferizaj.26.05.2017. “Në rrjedhën e aktiviteteve bashkëbiseduese me qytetarë, kryetari Veseli shpërndau librezat e anëtarësisë për dhjetëra të rinj nga fshati Talinoc i Jerlive, që iu bashkuan programit qeverisës të PDK-së. Të pranishëm në këtë aktivitet ishin edhe kandidatët për deputet nga komuna jonë, z. Elmi Reçica- anëtar i kryesisë në nivelin qëndror, z. Agim Aliu- kryetar i degës së PDK-së në Ferizaj dhe znj. Mexhide Mjaku- Topalli. Partia Demokratike e Kosovës – dega në Ferizaj, ditëve të fundit është në vlugun e mobilizimit për mbështetjen dhe jetësimin e programit të saj ekonomik-politik “Fillimi i Ri”, meqë rast edhe qindra qytetarë kanë ofruar mbështetjen e tyre duke iu bashkuar vizionit tonë politik” thuhet në një njoftim lëshuar nga PDK,dega në Ferizaj.
