Deputeti i Kuvendit të Kosovës nga radhët e PDK’së, Elmi Reçicva, ka thënë se tryeza, e cila do të mbahet më 3 gusht në ambientet e Kuvendit të Kosovës, në lidhje me demarkacionin me Malin e Zi, nuk do të jetë sa për sy e faqe.
Ai ka thënë se Kuvendi është vendi i duhur për t’i ballafaquar argumentet, për ta qartësuar çështjen në fjalë si dhe për të nxjerrë përfundime në këtë temë.
Në intervistën për “Epokën e Re”, Reçica ka thënë se në mungesë të një debati parlamentar, të shoqëruar me argumente, çështja e përcaktimit të kufirit të Kosovës me Malin e Zi ka nxitur herë pas herë përplasje në mes të pozitës dhe opozitës.
Deputeti Reçica i ka ftuar edhe dy partitë e tjera opozitare t’i kthehen punës së Kuvendit, derisa ka dënuar veprimet që ka ndërmarrë më herët opozita në Kuvend.
