Demokracia Studentore : Kryetar, pastro duart para se të mbledhësh bërllogun

Ferizaj- 24.05.2016. Organizata Demokracia Studentore sërish sot ka organizuar një aktivitet para Kuvendit Komunal në Ferizaj me të filluar aktiviteti “Ta pastrojmë Kosovën”, por aktiviteti i kësaj organizate ishte më ndryshe.

“Demokracia Studentore ka organizuar një aktivitet në kuadër të “Ditëve të Pastrimit” në Kosovë, drejtuar Kryetarit të Ferizajt Muharrem Svarqa që fillimisht t’i pastrojë duart e tij nga zhytja e thellë në klientelë, nepotizëm e vepra të jashtëligjshme të cilat janë duke ndodhur çdo ditë në komunën tonë” ka thënë  kryetari i organizatës “Demokracia Studentore”  Mexhid Ramusa

“ Kur i referohemi termit “komunës tonë”, të gjithë e dimë që ligjërisht të drejtën ekskluzive ndaj këtij institucioni e ka sovrani, mirëpo ky kryetar arrogant e skandaloz e ka privatizuar komunën dhe e ka bllokuar çdo segment të jetës në qytetin tonë, përveç grupacioneve të tij që i ushqen me projekte e tendere. Ky kryetar është ai i cili i ka gënjyer qindra e qindra të rinj që me ardhjen e tij do tu krijojë vende të reja të punës dhe është po i njëjti i cili sot i dëbon ata nga zyra e tij. Që me ardhjen e tij në pushtet, çdo gjë në Ferizaj ka filluar keq dhe keq po vazhdon edhe sot. Skandalet dhe shkeljet e panumërta po rëndojnë jetën e qytetarit, prandaj ne kërkojmë nga Muharrem Sfarqa që t’i pastrojë duartë e ndyra dhe të bëhet gati që pasi ta marrë ndëshkimin nga vota e qytetarit, me qetësi ta pres edhe ndëshkimin nga ligji.”  tha Ramusa.