Kandidatët për deputetë nga Ferizaj kanë intensifikuar takimet me qytetarë këto ditë, duke shpalosur angazhimet e tyre dhe komunikimin e drejtëpërdrejtë me ta.
Saranda Musliu , kandidate nga radhët e LDK-së në Ferizaj ka shkruar në rrjetet sociale se e ka nisur fushatën e saj nga shtëpia e veprimtarit Musa Emini ku e ndjeu frymën e pastër Rugoviane.
Deputetja Musliu po ashtu ka shprehur zotimin e saj se këto vlera do t’i ruaj edhe më tutje si brez i ri i LDK-së.
Ka ditë të caktuara në jetën politike kur ndjehesh vërtetë e lumtur.
Sot u ndjeva tepër e nderuar bashkë me këshilltaren komunale Jehona Mustafa, pasi patëm rastin t’a vizitojmë njërin prej veprimtarëve e atdhetarëve të rrallë ferizajas, Musa Eminin.
Bacin Musë e njohin të gjithë si njeri të vlerave kombëtare dhe atdhetare.
Tek shtëpia e tij ku ruan me fanatizëm edhe një muze interesant gjeta frymë të pastër Rugoviane dhe përjetova emocione të veqanta teksa flisnim për funksionimin e LDK- së në Ferizaj, brenda shtëpisë së tij gjatë viteve të vështira të okupimit.
Për qytetarët si baca Musë, LDK është më shumë se një parti politike, dhe një vizion përtej pushtetit, prandaj u zotova edhe në këtë takim se do të jem edhe më tutje në mbrojtje të këtyre vlerave dhe në shërbim të të gjithë atyre që me vite e kultivojnë besimin për LDK-në.
“LDK e para ✌ Saranda Musliu “ ka shkruar kandidatja për deputete Saranda Musliu.
