Kanë vazhduar sot punimet në asfaltimin e dy rrugëve që shtrihen në lagjen e re të qytetit. Banorët e kësaj lagjeje e kanë vlerësuar këtë projekt i cili krahas zgjidhjes së problemit të rrugës kanë përfituar edhe ndërrimin e gypave të ujësjellësit. Sabit Provoliu, banor i kësaj lagjeje e kanë vlerësuar përkushtimin e institucioneve për t’i përkrahur projektet që prekin interesin e tyre.
Në anën tjetër i pari i drejtorisë së Infrastrukturës, Arbër Bytyçi ka thënë se asfaltimi i rrugëve “Lidhja e Prizrenit” dhe “Arsim Zeqiri” hyn në kuadër të një projekti të përbashkët të komunës me Ministrinë e Administrimit të Pushtetit Lokal. Madje ka potencuar faktin se banorët me këtë rast kanë përfituar edhe ndërrimin e gypave të ujit me përbërje nga azbesti.
Komuna e Ferizajt po e shfrytëzon kohën e mirë edhe për realizimin e projekteve tjera. Drejtori Bytyçi ka përmendur fillimin e punimeve për ngritjen e fabrikës së ujit , ndërsa u ka bërë thirrje qytetarëve që të mos bien pre e dezinformatave nga individ që po i shfrytëzojnë rrjetet sociale për të bërë propagandë, ngase ky projekt ka nis si kërkesë e qytetarëve të këtij lokacioni.
Me asfaltimin e këtyre dy rrugëve ka përfunduar ky projekt në këtë zonë. Krahas asfaltimit dhe vendosjes së gypave të ujësjellësit, në këtë projekt është realizuar edhe rregullimi i trotuareve.
