Janë arrestuar tetë shtetas të Çekisë me dyshimin se nesër në ndeshjen ndërmjet Kosovës dhe Çekisë në “Fadil Vokrri” do të shpalosnin me dron flamurin “Kosova është Serbi”.
Këtë e ka konfirmuar major, Mehmetali Hajdini.
Ai thotë se aktualisht të dyshuarit janë duke u intervistuar, derisa konfirmon se janë kapur me dy flamuj serbë, një baner, një dron, një kamerë, e dy radiolidhje.
“Janë shoqëruar në DRP Ferizaj, ku momentalisht janë duke u intervistuar. U janë gjetur dy flamuj serbë dhe një baner me mbishkrimin antikosovar. Një dron, një kamerë dhe dy radiolidhje”, ka thënë Hajdini.
Kujtojmë se Kosova e pret nesër Çekinë në Fadil Vokrri nga ora 15:00 në kuadër të kualifikimeve për Euro 2020.
