Kryetari i Ferizajt, Agim Aliu, sot me drejtor komunal ka inspektuar pjesën e rrugës “Dëshmorët e Kombit” e cila së shpejti do të rinovohet.
Aliu ka inspektuar gjendjen e kësaj rruge nga zona e KEDS-it deri të furra e Mikelit, e cila ka vite që s’është rinovuar dhe investuar ne te.
Gjatë kësaj vizite ai ka kontaktuar me shumicën e pronarëve të bizneseve në këtë pjesë të rrugës me të cilat ka biseduar për idetë për rregullimin e kësaj pjese.
“Këndshëm të ballafaqoj mendimet e idetë bashkë me qytetarët, bizneset e kësaj ane, kur tash për pak ditë do të nisin punën makineritë, për ta kthyer zonën nga KEDS-i deri tek kryqëzimi tek furra ikonë e Mikelit, në një pikë krejtësisht të rinovuar, me trotuare të gjera, gjelbërim me bollëk e shans të ri për rritjen e fitimeve për bizneset nga ky investim që do të kryhet. Ferizaj merr kuptim, kur qendrën e kemi pasqyrën më të mirë, me standarde e investimet që po vëmë dorën, pas 40 e kusur vitesh” ka thënë Aliu
