Kryetari i Ferizajt, Agim Aliu, gjatë ditës së sotme ka vizituar punimet në rregullimin e kanalizimit në fshatin Tërrn të Ferizajt. Po kryejmë një investim për të bërë një zgjidhje për sfidën e kamotshme me ujërat e zeza.
Aliu ka thënë se në këtë anë shumë shpejt do të përfundoj edhe rregullimi i infrastrukturës rrugore, problem i kamotshëm I fshatrave të kësaj ane.
“Tërrnit që pati shumë arsye të ketë hatërmbetje për 20 e kusur vitet e lëna pas dore, po i kryejmë një investim për të bërë një zgjidhje për sfidën po ashtu të kamotshme me ujërat e zeza. Sot takova banorët, në vendin ku po hapim gropën akumuluese të ujërave të zeza që kullon tokat moçale të banorëve për dekada me radhë, kjo edhe në funksion të mbrojtjes kundrejt virusit COVID-19. E me infrastrukturën rrugore që pritet të përfundohet shpejt përmbyllim investimet në këtë anë, duke lënë Tërrnin të kompletuar, borxhin tonë të shlyer e banorët e kënaqur” ka thënë Aliu.
